لیپ ٹاپ سکیم کیلئے اپلائی کرنے کا کل آخری دن ، کتنے طلباء رجسسٹریشن کروا چکے ؟ جانیے

 لاہور  ( ڈیلی پاکستان آن لائن )وزیر تعلیم رانا سکندر حیات نے کہا ہے کہ چیف منسثر لیپ ٹاپ سکیم میں اپلائی کرنے کا آخری روز کل 20 مارچ ہے۔ لیپ ٹاپ کیلئے اب تک 2.5 لاکھ سے زائد طلباء رجسٹریشن کروا چکے ہیں۔ جدید لیپ ٹاپ کے خواہشمند بی ایس کے طلباء کل تک آن لائن اپلائی کر سکتے ہیں۔ آخری تاریخ کے بعد موصول ہونے والی درخواستوں پر غور نہیں کیا جائے گا۔

وزیر تعلیم نے کہا کہ لیپ ٹاپ اپلائی کرنے کیلئے لنک ہائیر ایجوکیشن کے سوشل میڈیا پیجز پر مشتہر ہے۔ طلباء لیپ ٹاپ کیلئے 
https://cmlaptophed.punjab.gov.pk/  
لنک پر آن لائن اپلائی کریں۔سکیم کے تحت 1 لاکھ 10 ہزار طلباء میں جدید ترین لیپ ٹاپ تقسیم کیے جائیں گے۔ لیپ ٹاپ کیلئے پنجاب کی تمام سرکاری یونیورسٹیوں کے بی ایس کے پہلے اور دوسرے سمسٹر کے طلباء اہل قرار دیئے گئے ہیں، جنہیں جدید ترین کور i7 لیپ ٹاپ فراہم کیے جائیں گے۔

 وزیر تعلیم نے کہا کہ پنجاب ہائیر ایجوکیشن کی ویب سائٹ پر متعلقہ معلومات مہیا کی گئی ہیں۔ بی ایس طلباء کیلئے 65 فیصد، میڈیکل سٹوڈنٹس کیلئے 80 فیصد میرٹ مقرر کیا گیا ہے۔ یہ میرٹ انٹرمیڈیٹ کے نمبرز کی بنیاد پر متعین کیا جائے گا۔