کراچی پورٹ ٹرسٹ نے 60 ارب روپے مالیت کی زمین سے قبضہ چھڑالیا
کراچی(ڈیلی پاکستان آن لائن )ساحل سمندر کے ساتھ پورٹ ٹرسٹ نے 7 ایکڑ زمین سے قبضہ چھڑا لیا۔
نجی ٹی وی جیو نیوز نے کے پی ٹی اعلامیے کے حوالے سے بتایا کہ آپریشن یونس آباد کے علاقے میں کیا گیا ہے جس کے بعد 7 ایکڑ زمین پر قائم غیر قانونی مکانات مسمار کردیے گئے۔
کے پی ٹی کا بتانا ہے کہ محض 15 دن میں 60 ارب روپے کی 80 ایکڑ زمین واگزار کروائی گئی ہے۔
دوسری طرف قومی اسمبلی کی قائمہ کمیٹی کے چیئرمین قادر پٹیل نے اپنے بیان میں کہا ہے کہ ماہی گیروں کی پرانی بستیوں پر آپریشن ٹھیک نہیں ہے، لوگوں کو بے گھر کئے جانے کے سخت مخالف ہیں۔
