اَج بڑی دیر نال  آیاں ایں بشیریا  | انور مسعود |

اَج بڑی دیر نال  آیاں ایں بشیریا  | انور مسعود |
اَج بڑی دیر نال  آیاں ایں بشیریا  | انور مسعود |

  

 امبڑی

ماسٹر:

اَج بڑی دیر نال  آیاں ایں بشیریا 

ایہہ  تیرا پِنڈ اے ، تے نال ای سکول اے

جائیں گا توں میرے کولوں ہڈیاں بھنا کے

  آیاں ایں توں اَج دونویں ٹلیاں گھسا کے

بشیرا:

منشی جی میری اِک گل پہلاں سن لو

اکرمے نے نہیر جیہا نہیر اَج پایا جے

مائی نوں ایہہ  مارد اے تے بڑا ڈاہڈا مارد اے

اَج اَیس بَھیڑکے نے حَد پئی مُکائی اے

اوھنوں مار مار کے مدھانی پَن سٹی سو

بندے کٹھے ھوئے نیں تے اوتھوں بھج وَگیا اے

چُک کے کِتاباں تے سَکول وَل نسیا اے

مائی ایہدی مشی جی ! گھر ساہڈے آئی سی

منہ اُتے نِیل سن ، سُجا ھویا ہتھ سی

اَکھاں وِچ اَتھرو  تے بُلاں اُتے رَت سی

کہن لگی سوھنیا ، وے پتر بشیریا

میرا اِک کم وی توں کریں اَج ہیریا

روٹی میرے اکرمے دی لئی جا مدرسے

اَج فیر ٹُر گیا ای میرے نال رُس کے

گھیو وِچ گُن کے پروٹھے اوس پَکے نیں

رِیجھ نال رنہیا  سو  آنڈیاں دا حلوہ

پَونے وِچ بنھ  کے تے میرے ہتھ  دِتی سُو

ایہو گل آکھدی سی مُڑ مُڑ منشی جی

چھیتی نال جائیں بیبا ، دیریاں ناں لائیں بیبا

اوہدیاں تے لوس دیاں ھون گِیاں آندراں

بھکا باناں اَج اوہ سکولے ٹُر گئیا اے

روٹی اوھنے دِتی اے ، میں پھجا لگا آیا جے

”اکرمے نے نہیر جئیا نہیر اَج پایا جے“

شاعر:  انور مسعود

(شعری مجموعہ: "میلہ اکھیاں دا" سال اشاعت، 1974 )

Amrri

:Master

                       Aj    Barri    Der   Naal    Aaya    En   Basheeriaa

Eh   Tera   Pind   Ay   Tay    Naal   E   Sachool   Ay

Jaaen    Ga   Tun   Meray   Kolun   Hadiyaan    Bhanaa   K

Aaya    En   Tun   Ajj    Dowen    Taliyaan    Ghusaa   K

:Bsheera

Munshi    Ji    Meri    Ik   Gall   Pehlaan   Sun   Lao

Akramay   Nay   Nahair    Jia    Nahair   Ajj   Paaya   Jay

Maai   Nun   Ay   Maarda   Ay   Tay   Barra   Dhaahdha    Maarda   Ay

Aj    Ais    Bhairrkay   Nay    Had    Pai    Mukaai   Ay

Ohnun    Maar    Maar    K    Mdhaani    Bhan    Sutti    Soo

Banday    Kathhay    Hoay    Nen    Tay    Aothun    Bhajj    Waiya   Ay

Chuk   K    Kitabaan    Tay    School    Wall    Nasiyaa   Ay

Maai    Eihdi    Munshi    Ji   Ghar    Saaday    Aai  Si

Munh   Tay    Neel   San   Sujja    Hoya    Hath   Si

Akhaan    Vich    Athroo    Tay    Bullaan   Vich    Rat   Si

Kehn    Lagi    Sohniyaa  ,  Way    Puttar    Bsheeriya

Mera    Ik    Kam   Vi    Tun    Karen    Ajj   Hairiya

Roti    Meray    Akramay    Di    Lai    Ja    Madrassay

Aj    Fair   Turr   Gaya     E    Meray    Naal    Russ   K

Ghiyo    Vich    Gunh    K    Puronthay    Oss    Pakaay    Nay

Reejh    Naal    Rinhiyaan    Soo    Aandiyaan    Da    Halwa

Ponay    Vich    Banh    K    Tay    Meray    Hath    Ditti   Soo

Eho    Gall   Aakhdi    Si    Murr    Murr    Munshi   Ji

Chhaiti    Naal    Jaaen    Beeba    ,   Dairiyaan    Na    Laeen    Beeba

Ohdiyaan    Tay     Loosdiyaan    Hon    Giyaan    Aandraan

Bhukhaa    Bhaana    Aj    Oh    Schoolay   Turr    Gaya    Ay

Roti    Ohnay    Ditti     Ay    Main    Bhajja    Laga    Aaya    Jay

Akramay    Nay   Nahair     Jia    Nahair     Ajj    Paaya    Jay

Poet: Anwar Masood

مزید :

شاعری -غمگین شاعری -مزاحیہ شاعری -