وہاڑی؛پولیس کا جسم فروشی کے اڈےپر چھاپہ، 2مرد اور 4خواتین گرفتار

وہاڑی(ڈیلی پاکستان آن لائن)وہاڑی میں پولیس نے  جسم فروشی کے اڈے پر کارروائی کرتے ہوئے 2مرد اور 4خواتین کو حراست میں لے کر قانونی کارروائی کا آغاز کردیا۔

ترجمان کے مطابق پولیس تھانہ سٹی وہاڑی کی فحاشی کے مراکز کیخلاف  کارروائیاں جاری ہیں،پولیس نے ریاض پہوڑ کے قحبہ خانہ پر چھاپہ مار کارروائی کے دوران2 مرداور 4 خواتین کو گرفتارکرلیا،ملزمان کیخلاف  مقدمہ درج کر کے قانونی کارروائی کا آغاز بھی کر دیا گیا ہے۔

گرفتار ملزمان میں  فخر عباس، محمد عرفان، (م ف)،(م ب)(خ ب)اور(م ع)شامل ہیں،کارروائی میں ایس ایچ او تھانہ سٹی وہاڑی چودھری وقاص گھمن اور ٹیم نے حصہ لیا۔

ڈی پی او محمد افضل کاکہنا ہے کہ قحبہ خانے جرائم پیشہ افراد کی آماجگاہ اور جرائم میں اضافے کا سبب بنتے ہیں،جسم فروشی کے دھندہ میں ملوث ملزمان کسی بھی معافی کے لائق نہیں۔