باپ نے ایک دن کے بچے کو 50 ہزار روپے میں فروخت کردیا کیونکہ ۔ ۔ ۔
کراچی (ویب ڈیسک) سندھ کے ضلع ٹنڈو محمد خان میں باپ نے ایک دن کے بچے کو 50 ہزار روپے میں فروخت کردیا۔
تفصیلات کے مطابق سندھ کے ضلع ٹنڈو محمد خان میں غربت سے مجبور ماں باپ نے ایک دن کے بچے کو 50 ہزار روپے میں فروخت کردیا، والدہ نے کہا کہ نجی ہسپتال انتظامیہ نے بل کی ادائیگی کا مطالبہ کیا تھا۔
متاثرہ والدہ نے کہا کہ میرے شوہر نے ادھار پیسے لیے اور ہسپتال کا بل ادا کیا، شوہر نے جس سے ادھار رقم لی بچے کو اسکے حوالے کردیا۔
نجی ہسپتال کے ڈائریکٹر کا اس حوالے سے کہنا ہے کہ رقم دے کر نومولود بچہ کو لینے والےکی تلاش جاری ہے اس واقعے کے بعدہسپتال انتظامیہ نے خاتون کا علاج مفت کردیا ہے، اب تک جتنی بھی ادائیگی ہوئی وہ متاثرہ خاتون کو واپس کی جائیگی۔
