پی پی 149ضمنی الیکشن؛ پولنگ سٹیشن نمبر 127 کے پریذائیڈنگ افسر نے پولنگ ایجنٹس سے پہلے ہی دستخط کرا لئے
لاہور(ڈیلی پاکستان آن لائن)لاہور کے صوبائی اسمبلی کے حلقے پی پی 149 میں ہونے والے ضمنی الیکشن میں پولنگ سٹیشن نمبر 127 کے پریذائیڈنگ افسر نے پولنگ ایجنٹس سے پہلے ہی دستخط کرا لئے،پریذائیڈنگ افسر نے پولنگ ایجنٹوں سے پہلے ہی فارم 45 پر سائن کرانے کا اعتراف بھی کر لیا۔
نجی ٹی وی چینل 24نیوز کے مطابق پولنگ سٹیشن نمبر 127 کے پریذائیڈنگ افسر کا کہنا ہے کہ فارم 45 پر دستخط وقت بچانے کیلئے کرائے، شام کو وقت کم ہوتا ہے اس لئے دستخط کرائے۔
دوسری جانب فارم 45 پر قبل ازوقت سائن کرانے پر سنی کونسل اتحاد کے سپورٹرز اور پریذائیڈنگ آفیسر میں تکرار اور ہاتھا پائی بھی ہوئی ۔سنی اتحاد کونسل کے امیدوار حافظ ذیشان نے عمل کو پری پول رگنگ قرار دیتے ہوئے پولنگ سٹیشن میں ساتھیوں کے ساتھ دھرنا دے دیا۔
