سنجے دت اور شاہ رخ خان فلم" جوان" میں ایک ساتھ نظرآئیں گے
ممبئی(ویب ڈیسک) بالی و وڈ ایکشن ہیرو سنجے دت، شاہ رخ خان کی نئی فلم "جوان" کی شوٹنگ کیلئے اسٹوڈیو پہنچ گئے۔دونوں اداکار ایک ساتھ ایکشن سین میں نظر آئیں گے۔
تفصیلا ت کے مطابق بالی ووڈ کے کنگ خان کا نیا پروجیکٹ "جوان" شوٹنگ کے مراحل میں داخل ہوگیا اور سنجے دت فلم میں کومیو رول ادا کریں گے۔دونوں اداکار مل کر اگلے چار سے پانچ دن شوٹنگ کریں گے، سنجے دت کے کردار کے متعلق تفصیلات ابھی سامنے نہیں آئی ہیں۔ میڈیا ذرائع نے دعویٰ کیا ہے کہ" دونوں اداکاروں کے مناظر ایکشن سے بھرپور ہوں گے اور یہ سین فلم کی کہانی کا ایک اہم حصہ ہوگا"۔
سنجے دت حال ہی میں اپنی فلم ’لیو‘ کی شوٹنگ کے بعد کشمیر سے واپس لوٹے ہیں۔
واضح رہے کہ شاہ رخ خان کی نئی فلم کی ریلیز رواں برس جون میں ہوگی اور اس میں فلم میں شاہ رخ خان کے ساتھ وجے سیتھوپتی، سنیل گروور اور سانیا ملہوترا بھی شامل ہیں۔
