شاہ رخ کی شخصیت نے بہت متاثر کیا، ماہرہ  خان 

لاہور(فلم رپورٹر) اداکارہ ماہرہ  خان نے کہا ہے کہ   بالی ووڈ کنگ  شاہ رخ خان میں  عاجزی کی عادت انہیں پسند ہے۔ حال ہی میں ماہرہ خان نے لندن میں ایک تقریب کے دوران شاہ رخ خان کے ساتھ کام کرنے تجربے کے بارے میں بات کی۔انہوں نے بتایا کہ مجھے شاہ رخ خان کی شخصیت میں سب سے زیادہ خوبصورت چیز یہ لگی کہ وہ جس سے بات کر رہے ہوتے ہیں اسے بہت زیادہ اہمیت دیتے ہیں۔اداکارہ نے بتایا کہ شاہ رخ خان سے آمنے سامنے بات کی جائے یا انہیں فون پر میسج کیا جائے تو وہ سامنے والے کی طرف خصوصی طور پر متوجہ ہوتے اور اس کی بات کا جواب دیتے ہیں۔انہوں نے یہ بھی کہا کہ شاہ رخ خان کے اس رویے سے کسی بھی انسان کو یہ محسوس ہوتا ہے کہ وہ بہت اہم ہے۔