سنا ہے لوگ اسے آنکھ بھر کے دیکھتے ہیں
سنا ہے لوگ اسے آنکھ بھر کے دیکھتے ہیں
سو اس کے شہر میں کچھ دن ٹھہر کے دیکھتے ہیں
سنا ہے ربط ہے اس کو خراب حالوں سے
سو اپنے آپ کو برباد کرکے دیکھتے ہیں
سو ہم بھی اس کی گلی سے گذر کےدیکھتے ہیں
سناہے اس کو بھی ہے شعرو شاعری کا شغف
سو ہم بھی معجزے اپنے ہنر کے دیکھتے ہیں
سناہے بولے تو باتوں سے پھول چھڑتے ہیں
یہ بات ہے تو چلو بات کرکے دیکھتے ہیں
سنا ہے رات اسے چاند تکتا رہتا ہے
ستارے بامِ فلک سے اُتر کے دیکھتے ہیں
سناہے دن کو اسے تتلیاں ستاتی ہیں
سناہے رات کو جگنو ٹھہر کھے دیکھتے ہیں
سنا ہے حشر ہیں اس کی غزال سی آنکھیں
سنا ہے اس کو ہرن دشت بھر کے دیکھتے ہیں
سنا ہے رات سے بڑھ کر ہیں کاکلیں اس کی
سناہے شام کو سائے گزر کے دیکھتے ہیں
سنا ہے اس کی سیاہ چشمگی قیامت ہے
سو اُس کو سرمہ فروش آہ بھر کے دیکھتے ہیں
سنا ہے اس کے لبوں سے گلاب کھلتے ہیں
سو ہم بہا ر پہ الزام دھر کے دیکھتے ہیں
سناہے آئینہ تمثال ہے جبیں اس کی
جو سادہ دل ہیں اسے بن سنور کے دیکھتے ہیں
سنا ہے جب سے حمائل ہیں اس کی گردن میں
مزاج اور ہی لعل و گہر کے دیکھتے ہیں
سناہے چشمِ تصور سے دشتِ امکاں میں
پلنگ زاویے اس کی کمر کے دیکھتے ہیں
سنا ہے اس کے بدن کی تراش ایسی ہے
کہ پھول اپنی قبائیں کتر کے دیکھتے ہیں
وہ سرو قد ہے مگر بے گُلِ مراد نہیں
کہ اس شجر پہ شگوفے ثمر کے دیکھتے ہیں
بس اک نگاہ سے لٹتا ہے قافلہ دل کا
سو رہروانِ تمنا بھی ڈر کے دیکھتے ہیں
سنا ہے اس کے شبستاں سے متّصل ہے بہش
مکیں اُدھر کے بھی جلوے اِدھر کے دیکھتے ہیں
رکے تو گردشیں اس کا طواف کرتی ہیں
چلے تو اس کو زمانے ٹھہر کے دیکھتے ہیں
کسے نصیب کہ بے پیرہن اسے دیکھے
کبھی کبھی درودیوار گھر کے دیکھتے ہیں
کہانیاں ہی سہی سب مبالغے ہی سہی
اگر وہ خواب ہے تعبیر کرکے دیکھتے ہیں
اب اس کے شہر میں ٹھہریں کہ کوچ کرجائیں
فراز آؤ ستارے سفر کے دیکھتے ہیں
شاعر: احمد فراز
Suna Hay Log Ussay Aankh Bhar K Dekhtay Hen
So Uss K Shehr Men Kuch Din Thahar K Dekhtay Hen
Suna Hay rabt Hay Uss Ko Kharab Haalon Say
So Apnay Aap KO Barbaad Kar K Dekhtay Hen
So Ham Bhi Uss Ki Gali Say GYNar K Dekhtay Hen
Suna Hay Uss Ko Bhi hay Sher o Shaairi Ka Shaghaf
So Ham Bhi Mojzay ApnY Hunar K Dekhtay Hen
Suna Hay Bolay To Baaton Say Phool Jharrtay Hen
Yeh Baat Hay TO Chalo Baat Kar K Dekhtay Hen
Suna Hay Raat Usay Chaand Takta Rehta Hay
Sitaaray Baam e Falak Say Utar K Dekhtay Hen
Suna Hay Din koUsay Titliaan Sataati Hen
Suna hay Raat Ko Jugu Thehr K Dekhtay Hen
Suna Hay Hashr Hen uss ki Ghazaal Aankhen
Suna Hay Uss Ko Hiran Dasht Bhar K Dekhtay Hen
Suna Hay Raat Say Bharh Kar Hen Kaklen Uss Ki
Suna Hay Shaam Ko Saaey Guzar K Dekhtay Hen
Suan Hay Uss Ki Sayah Chashmagi Qayamat Hay
So Uss Ko Surma Farosh Aah Bhar K Dekhtay He
Suna Hay Uss K Labon Say Gulaab Khiltay Hen
So Ham Bahar pe Ilzaam Bhar K Dekhtay Hen
Suna Hay aaina Timsaal Hay Jabeen Uss Ki
Jo Saad aDil Hen Usay Ban Sanwar K Dekhtay Hen
Suna Hay Jab Say Hamaail Hen Uss Ki Gardan Men
Mizaaj Aor Hi Laal o Gohar K Dekhtay Hen
Suna Hay Chashm e Tasawwor Say Dasht e Imkaan Men
Pulang Zaawiay Uss Ki Qamar K Dekhtay Hen
Suna Hay Uss K Badan Ki Traash Aisi Hay
Keh Phool Apni Qubaaen katar K Dekhtay Hen
Wo Sarv Qad Hay Magar Gul e Muraad Nahen
Keh Iss Shajar Pe Shagoofay Samar K Dekhtay Hen
Bass Ik Nigaah Say Lut,ta Hay Qaafila Dil Ka
So Rahrawaan e Tamanna Bhi Dar K Dekhtay Hen
Suna Hay Uss K Shabistaan Say Mutasill Hay Bahisht
Makeen Udhar K Jalway Bhi Idhar k Dekhtay Hen
Rukay To Gardshain Uss Ka Tawaaf Karti Hen
Chalay To Uss Ko zamaanay Thahr K Dekhtay Hen
Kisay Naseeb Keh Be Pairhan Usay Dekhay
Kabhi kabhi Dar o dewaar ghar K Dekhtay Hen
Kahaanian Hi Sahi , Sab Mubaalghay Hi Sahi
Ab Uss K Koochay Men Thehren Keh Kooch Kar jaaen
FARAZ Aao Sitaaray Safar K Dekhtay Hen
ُ Poet: Ahmad Faraz
