زیارت، اغواء کے بعد قتل کیے جانیوالے اسسٹنٹ کمشنر اور بیٹے کی لاشیں اب تک نہ مل سکیں
زیارت(آئی این پی ) اغواءکاروں کی جانب سے قتل زیارت میں کیے گئے اسسٹنٹ کمشنر اور ان کے بیٹے کی لاشیں تاحال نہ ملیں۔
سرکاری ذرائع کے مطابق اغوا ءکاروں نے اسسٹنٹ کمشنر زیارت محمد فضل اور ان کے بیٹے کی لاشیں ہرنائی کے پہاڑی علاقے میں پھینک دی تھیں جن کی تلاش تاحال جاری ہے۔ دونوں کی لاشوں کی تلاش کے لیے مقامی قبائل سے بھی مدد لی جارہی ہے۔
خیال رہے کہ 10 اگست کو ضلع زیارت کے علاقے زیزری سے اسسٹنٹ کمشنر اور ان کے بیٹے کو اغواء کیا گیا تھا اور گزشتہ روز اغواء کاروں نے قتل کرنے کے بعد ان کی لاشوں کوپہاڑوں میں پھینک دیا۔
