پیپلز پارٹی کے چیئرمین بلاول بھٹو زرداری کی 37ویں سالگرہ دبئی میں منائی گئی
دبئی (طاہر منیر طاہر) پاکستان پیپلز پارٹی گلف و مڈل ایسٹ کی جانب سے پیپلز پارٹی کے چیئرمین بلاول بھٹو زرداری کی 37ویں سالگرہ دبئی کے مقامی ہوٹل میں منائی گئی-سالگرہ تقریب کا اہتمام پی پی پی سوشل میڈیا کے صدر کریم امیر علی نے کیا جبکہ پروگرام کی صدارت صدر پی پی پی گلف / مڈل ایسٹ میاں منیر ہانس نے کی-
پروگرام کا باقائدہ آغاز تلاوت قرآن پاک اور نعت شریف سے کیا گیا- متحدہ عرب امارات کی تمام ریاستوں میں موجود پیپلز پارٹی کی اعلی قیادت، جیالوں ، ورکرز خواتین اور پاکستانی کمیونٹی کے لوگوں نے شرکت کی-
صدر پی پی پی گلف میاں منیر ہانس نے کہا کہ بلاول بھٹو کا بچپن دبئی میں گزرا اور انہوں نے ابتدائی تعلیم بھی دبئی میں حاصل کی- محترمہ بینظیر بھٹو شہید نے ان کی تربیت دبئی میں اپنی جلاوطنی کے دوران شروع کر دی تھی- آج جس طرح بلاول بھٹو زرداری نے دنیا بھر میں ایک منجھے ہوئے لیڈر کی طرع پاکستان کے لیے کامیاب سفارت کاری کی جس کے با عث دنیا بھر میں پاکستان کو خصوصی مقام ملا- اپنی تقریر کے دوران میاں منیر ہانس نے فیلڈ مارشل عاصم منیر کی خصوصی تعریف کی اور کہا کہ جس طرح انھوں نے پاکستان کا دفاع کیا وہ قابل تعریف ہے-
تقریب میں ذوالفقارعلی مغل، نثار محمود خٹک، ملک محمد اسلم، شفیق الرحمان صدیقی، عرفان قمر گوندل، قیصر آفریدی، غضنفر نقوی، رائے خالد بھٹی ، قاری میں منور ، اسد علی خان ، عامر سطانی ، کاظمی فرہاد ، راجہ بلاول خان ، عتیق گورسی ، قاری عبدالوہاب صدیقی، تسلیم عباس، نوفل عالم ، فیضان منور وریا ، محمد نظام ، احسان شفیق گوگا، ممتاز علی جونیجو، فرخ سیدین، حسیب منیر ہانس، عائشہ منیر ہانس و دیگر خواتین و حضرات نے شرکت کی جن کا سیکریڑی انفارمیشن پی پی پی گلف ذوالفقارعلی مغل نے شکریہ ادا کیا-
پروگرام کے آخری حصہ میں چیئر مین پی پی پی بلاول بھٹو زرداری کی سالگرہ کا کیک کاٹا گیا اور شرکاء پارٹی نے جئے بھٹو ، جئے بی بی، جئے زرداری، جئے بلاول بھٹو زرداری اور وزیر اعظم بلاول بھٹو کے نعرے لگائے- دوران پروگرام موسیقی کی دھن پر صوفی کلام پیش کیا- پاکستان میں سیلابی صورتحال اور تباہی کی وجہ سے چیئر مین بلاول بھٹو زرداری کی خصوصی ہدایات کے مطابق پروگرام مختصر رکھا گیا۔
