چین، طوفان راگا ساکے پیش نظر 10شہروں میں سکول، کاروبار بند، کئی پروازیں معطل 

                                                                                    بیجنگ (آ ئی ین پی)جنوبی چین کو سپر طوفان راگاسا کے سنگین اثرات کے پیش نظر متعدد شہروں میں حفاظتی اقدامات کرتے ہوئے کم از کم 10 شہروں میں سکولز، کاروباری مراکز اور کچھ پروازیں معطل کر دی گئیں۔غیرملکی میڈیارپورٹس کے مطابق ٹائیفون کی گردشی ہوائیں تقریباً 230کلومیٹر فی گھنٹہ کی رفتار سے چل رہی ہیں، اور راگاسا کو سال 2025کا سب سے طاقتور طوفان قرار دیا جا رہا ہے۔متوقع طور پر یہ طوفان گوانگڈونگ صوبے کے شینژن اور ژوون کاؤنٹی کے درمیان ساحلی علاقے میں آج  لینڈ فال کریگا چینی ٹیک ہب شینژن نے4 لاکھ افراد کو نکالنے کا حکم دیا جبکہ شہر کے ہنگامی انتظامی حکام نے شدید آندھی، بارش، لہروں اور سیلاب کی وارننگ دی۔ممکنہ طوفان کے خطرے نے کئی چینائی ریاستی و مقامی حکومتوں کو سکول اور کاروبار بند کرنے اور آمد و رفت کی پابندیاں عائد کرنے پر مجبور کیا ہے۔ پبلک ٹرانسپورٹ، فیری سروسز  اور کئی صنعتی و تجارتی سرگرمیاں بھی بندش کا شکار ہونگی۔اسکے علاوہ سمندر کی سطح میں شدید اضافے، طوفانی بارش اور بڑے ساحلی علاقوں میں سیلاب کا امکان ہے۔ اس طوفان سے خاص طور پر وہ علاقے متاثر ہونے کا خدشہ ہے جو ماضی میں بھی بڑے طوفانوں کی زد میں آئے تھے۔چینی محکمہ موسمیات نے شدید بارش اور تیز ہواؤں کے پیشِ نظر رہائشیوں سے محتاط رہنے، دروازے اور کھڑکیاں محفوظ کرنے، ایمرجنسی کٹس تیار رکھنے اور غیر ضروری سفر سے گریز کرنے کی ہدایت کی ہے۔

 چین طوفان