کوئٹہ سے پشاور جانے والی جعفر ایکسپریس منسوخ
کوئٹہ(ڈیلی پاکستان آن لائن) دشت میں دھماکے سے متاثرہ ٹریک کی بحالی کا کام مکمل نہ ہوسکا، جس کے باعث آج صبح پشاور جانے والی جعفر ایکسپریس منسوخ کر دی گئی۔
نجی ٹی وی چینل دنیانیوز کے مطابق ریلوے حکام کاکہنا ہے کہ جعفر ایکسپریس کے مسافروں کو مکمل ٹکٹ ریفنڈ کیا جائے گا۔
واضح رہے کہ گزشتہ روز سپیزنڈ کے علاقے میں گزشتہ روز ریلوے ٹریک پر دھماکا ہوا تھا، جس سے چھ بوگیاں پٹڑی سے اتر گئی تھیں اور ایک بوگی الٹ گئی تھی، متاثرہ ٹریک سے تاحال بوگیاں نہیں ہٹائی جا سکیں، حادثے میں 12 مسافر معمولی زخمی ہوئے تھے۔
ریلوے حکام کا کہنا ہے کہ متاثرہ ٹریک سے بوگیاں ہٹانے اور پٹڑی کی بحالی کا کام آج مکمل کر لیا جائے گا۔
