حامد رضا اپوزیشن اتحاد تحریک تحفظ آئین پاکستان کے سیکرٹری اطلاعات عہدے سے مستعفی
اسلام آباد(آئی این پی)پاکستان تحریک انصاف کے رہنما اور رکن قومی اسمبلی صاحبزادہ حامد رضا نے اپوزیشن اتحاد تحریک تحفظ آئین پاکستان کے سیکریٹری اطلاعات کے عہدے سے استعفیٰ دے دیا۔رکن قومی اسمبلی صاحبزادہ حامد رضا نے سنی اتحاد کونسل کے ہنگامی اجلاس کے بعد تحریک تحفظ آئین پاکستان کے عہدے سے استعفیٰ دیا ہے۔حامد رضا نے بتایا کہ پارٹی یدایات کی روشنی میں تحریک تحفظ آئین پاکستان کے سیکریٹری انفارمیشن سے استعفیٰ دے دیا اور اس حوالے سے آگاہ کردیا گیا۔انہوں نے کہا کہ تحریک تحفظ آئین پاکستان کے ترجمان اخونزادہ حسین کو اس بارے میں آگاہ کر دیا گیا۔صاحبزادہ حامد رضا نے کہا کہ عمران خان کے ساتھ کھڑے تھے اور کھڑے رہیں گے۔
حامد رضا
