چیف سیکرٹری خیبر پختونخواکی زیر صدارت سیکرٹریز کمیٹی اجلاس کاانعقاد
پشاور(سٹاف رپورٹر)چیف سیکرٹری خیبرپختونخوا شہاب علی شاہ کی زیر صدارت سیکرٹریز کمیٹی کا اجلاس منعقد ہوا جس میں سینئر ممبر بورڈ آف ریونیو، ایڈیشنل چیف سیکرٹری داخلہ سمیت محکموں کے سیکرٹریز نے شرکت کی۔ اجلاس میں گڈ گورننس روڈمیپ کے تحت جاری اصلاحات اور محکموں کی کارکردگی کا تفصیلی جائزہ لیا گیا۔اجلاس کو بتایا گیا کہ 16 محکموں کی جانب سے 138 اصلاحات پر کام جاری ہے جبکہ 14 اصلاحات مکمل ہوچکی ہیں، اس کے علاوہ 97 اصلاحات پر مزید تیزی سے عملدرآمد کی ضرورت ہے۔ اس موقع پر چیف سیکرٹری نے ہدایت کی کہ ان اصلاحات کے ثمرات براہ راست عوام تک پہنچنے چاہی_¿ں۔ انہوں نے کہا کہ محکمہ منصوبہ بندی و ترقی اور محکمہ خزانہ تمام محکموں کے ساتھ قریبی کوآرڈینیشن میں کام کریں تاکہ گڈ گورننس روڈمیپ کے مقاصد حاصل کیے جاسکیں۔اجلاس کو ٹاسک مینجمنٹ سسٹم کے تحت یکم مارچ سے 31 اگست 2025 تک محکموں کو دیے گئے ٹاسکس پر عملدرآمد کے اعداد و شمار پیش کیے گئے۔ مزید براں، اجلاس کو "اختیار عوام" ایپ پر موصول عوامی شکایات، لیٹیگیشن مینجمنٹ سسٹم، خیبرپختونخوا ڈیجیٹل ورک اسپیس اور ڈسٹرکٹ ڈیلیوری اقدامات پر پیشرفت سے بھی آگاہ کیا گیا۔چیف سیکرٹری نے کہا کہ انتظامی سیکرٹریز لیٹیگشن مینجمنٹ سسٹم میں محکموں سے متعلق ضروری کیسز اور قانونی معاملات پر خود سٹاک ٹیک کریں۔ انہوں نے ہدایت کی کہ محکموں میں مینیجرئل سطح کے اہم عہدوں پر تقرری کے لیے کارکردگی کو معیار بنایا جائے اور محکمانہ پلیسمنٹ کمیٹیوں کا قیام عمل میں لایا جائے۔ پوسٹنگ اور تبادلوں میں شفافیت کو فروغ دیا جائے اور روٹیشن پالیسی پر سختی سے عمل کیا جائے۔انہوں نے مزید کہا کہ "خیبرپختونخوا رولز آف بزنس 2025" کی تکمیل اور سیکرٹریٹ مینول 2008 کی اپ ڈیٹ سے حکومتی کارکردگی بہتر ہوگی اور انتظامی خط و کتابت مکمل طور پر ڈیجیٹائز کی جاسکے گی۔ چیف سیکرٹری نے ہدایت کی کہ صوبائی سلیکشن بورڈ کے تحت پروموشنز کو کارکردگی کے پیمانوں (کے پی آئیز) سے منسلک کیا جائے اور تمام محکمے اپنی ڈیپارٹمنٹل سلیکشن کمیٹیوں کے اجلاس باقاعدگی سے منعقد کریں۔
