ٹرمپ کی آمد پر اقوام متحدہ کا اسکیلیٹر کس نے بند کیا؟ گتھی سلجھ گئی
نیویارک(ڈیلی پاکستان آن لائن)امریکی صدر ڈونلڈ ٹرمپ کے اقوام متحدہ کی جنرل اسمبلی میں آمد پر سکیلیٹر بند ہونے کے معاملے پر یو این ترجمان نے وضاحت پیش کردی۔
گزشتہ روز صدر ٹرمپ خاتون اول میلانیا ٹرمپ کے ہمراہ جب اقوام متحدہ کے ہیڈکوارٹر پہنچے اور بالائی منزل پر جانے کے لیے اپنے عملے کے ہمرے سکیلیٹر پر چڑھے تو اچانک سکیلیٹر رک گیا اور صدر ٹرمپ کو میلانیا کے ساتھ سیڑھیاں چڑھنی پڑیں۔
غیر ملکی خبر ایجنسی نے اس حوالے سے کہا کہ اقوام متحدہ کا خیال ہے کہ اس نے اس معمہ کو حل کر دیا ہے اور ممکنہ طور پر صدر ٹرمپ کے ویڈیو گرافر نے غلطی سے حفاظتی طریقہ کار کو متحرک کر دیاجس کے باعث سکیلیٹر (برقی سیڑھیاں ) رک گئی تھی۔
خبر ایجنسی کے مطابق اقوام متحدہ کے ترجمان سٹیفن ڈوجارک نے کہا کہ صدر ٹرمپ کی آمد کے موقع پر ان کا فوٹو گرافر سکیلیٹر پر پیچھے کی طرف سفر کر رہا تھا تاکہ وہ صدر ٹرمپ اور ان کی اہلیہ کی تصاویر لے سکے۔
ڈونلڈ ٹرمپ اور میلیانیا اقوام متحدہ میں ایسکیلیٹر پر چڑھتے ہیں جو فوراً ہی یہ خراب ہو جاتا ہے، پھر کیا ہوا ویڈیو دیکھیں۔۔ ???? pic.twitter.com/qLelhfiEru
— Nadir Baloch (@BalochNadir5) September 23, 2025
ترجمان نے مزید کہا کہ ممکنہ طور پر ویڈیو گرافر نے نادانستہ طور پر حفاظتی بٹن کو فعال کیا ہو، حفاظتی طریقہ کار لوگوں یا اشیاء کو حادثاتی طور پرگیئرنگ میں پھنس جانے یا کھینچنے سے روکنے کے لیے بنایا گیا ہے۔
یاد رہے گزشتہ روز اقوام ٹرمپ اپنی تقریر میں اقوام متحدہ کو تنقید کا نشانہ بناتے ہوئے کہا کہ ’یہاں آنے پر مجھے صرف ایک ٹوٹا اسکیلیٹر ملا، اگر خاتون اول کی صحت اچھی نہ ہوتی تو وہ گر جاتیں‘۔
