پیرا فورس کا قیام میرا خواب تھا جو شرمندۂ تعبیر ہوا، وزیر اعلیٰ مریم نواز
لاہور(ڈیلی پاکستان آن لائن)وزیر اعلیٰ پنجاب مریم نواز نے کہا ہے کہ پیرا فورس کا قیام میرا خواب تھا جو شرمندۂ تعبیر ہوا اور اس کی کارکردگی مثالی ہے۔
نجی ٹی وی چینل’’ ہم نیوز‘‘ کے مطابق وزیر اعلیٰ پنجاب مریم نواز نے پیرافورس کی پاسنگ آؤٹ پریڈ میں شرکت کی۔ اس موقع پر تقریب سے خطاب کرتے ہوئے انہوں نے کہا کہ پیرافورس کے پاس آؤٹ ہونے والوں کو مبارکباد دیتی ہوں۔ اور پیرا فورس میں شامل ہونے والوں کو اللہ نے ملک کو قوم کی خدمت کا موقع دیا ہے۔پیرا فورس کے اہلکاروں پر لوگوں کو تحفظ فراہم کرنے کی ذمہ داری عائد ہوتی ہے۔ اور لوگوں کی تکالیف کو محسوس کرتے ہوئے پیرا کا قیام عمل میں لایا گیا ہے۔ پیرا فورس کا قیام میرا خواب تھا جو شرمندۂ تعبیر ہوا اور اس کی کارکردگی مثالی ہے۔ بازاروں سے تجاوزات کے خاتمے پر شہری اور خاص طور پر خواتین بہت خوش ہیں۔ تجاوزات کی وجہ سے گزرنے کا راستہ نہیں رہتا تھا تاہم اب آسانی ہو گئی ہے۔
وزیر اعلیٰ مریم نواز نے کہا کہ سیلاب کے دوران سب نے مل کر کام کیا جو باعث فخر ہے۔ عوام کی تکالیف اور مشکلات کو محسوس کرتے ہوئے پیرا کا قیام عمل میں لایا گیا۔ مصنوعی مہنگائی سے عوام کو مشکلات کا سامنا کرنا پڑتا ہے۔ پنجاب گورننس کا نیا ماڈل سامنے لایا گیا۔ اور اب پیرا فورس مثالی ہے۔ نوجوان وعدہ کریں کہ رشوت نہیں لیں گے۔ پیرا فورس میں باصلاحیت خواتین بھی شامل ہیں۔ اور خواتین کو اب بازاروں میں مشکلات کا سامنا نہیں کرنا پڑے گا۔ پیرا فورس کے قیام سے عوام کی خدمت میں کوئی کمی نہیں آنی چاہیے۔
وزیر اعلیٰ پنجاب نے بہترین کارکردگی پر محکمہ سی سی ڈی کی تعریف کرتے ہوئے کہا کہ سی سی ڈی نے پنجاب میں قیام امن کے لیے اہم کردار ادا کیا۔ اور پنجاب کے بیشتر اضلاع میں اس وقت جرائم کی شرح صفر ہے۔ پنجاب کو ماؤں اور بیٹیوں کے لیے محفوظ ترین جگہ دیکھنا چاہتی ہوں۔
