شاہین آفریدی نے شاداب خان کو پیچھے چھوڑ دیا

لاہور(ڈیلی پاکستان آن لائن)قومی کرکٹ ٹیم کے اہم فاسٹ بولر شاہین شاہ آفریدی ٹی ٹوئنٹی انٹرنیشنل کرکٹ کے دوسرے کامیاب ترین پاکستانی بولر بن گئے۔

نجی ٹی وی چینل ایکسپریس نیوز کے مطابق گزشتہ روز شیخ زید کرکٹ سٹیڈیم میں سری لنکا کے خلاف ایشیا کپ میچ میں انہوں نے تین کھلاڑیوں کو پویلین بھیجا۔

شاہین آفریدی کی وکٹوں کی تعداد 114 ہوگئی جو انہوں نے 90 اننگز میں حاصل کی ہیں۔ اس سے قبل شاداب خان پاکستان کے دوسرے کامیاب ترین بولر تھے۔شاداب خان نے 104 اننگز میں 112 وکٹیں حاصل کر رکھی ہیں۔

حارث رؤف 90 اننگز میں 130کھلاڑیوں کو آؤٹ کرکے ٹی ٹوئنٹی فارمیٹ کے کامیاب ترین پاکستانی بولر ہیں۔

وہ مجموعی طور پر ایڈم زیمپا کے ساتھ مشترکہ طور پر آٹھویں نمبر پر موجود ہیں۔