فوڈ اتھارٹی پنجاب کا کریک ڈاؤن، بیمار بھینسوں کا 700کلو مضرصحت گوشت تلف کر کے مقدمہ درج کر لیا گیا
لاہور (ڈیلی پاکستان آن لائن) شہر میں مضر صحت گوشت کی ترسیل کا منصوبہ ناکام، ڈی جی فوڈ اتھارٹی عاصم جاوید کے حکم پر فوڈ سیفٹی ٹیموں کا بکر منڈی میں چھاپہ، 700کلو مضر صحت گوشت تلف کر کے مقدمہ درج کرلیاگیا۔
ڈی جی فوڈاتھارٹی عاصم جاوید کا کہنا ہے گوشت کی رنگت نیلی کالی اور گندی بدبودار جگہ پر گوشت رکھا گیا تھا، قوانین کے خلاف بیمار بھینس کا گوشت تیار کیا جارہا تھا، صفائی کے ناقص انتظامات کے باعث مکھیوں اور مچھروں کی بھرمار پائی گئی۔ برآمد شدہ تمام تر گوشت قانونی کارروائی کے بعد تلف کر دیا گیا، بیمار بھینس نواحی علاقوں سے لا کر گوشت تیار کیا جارہا تھا۔
ڈی جی فوڈاتھارٹی کامزید کہنا ہے غیر قانونی مذبح خانوں کے خلاف متعلقہ محکموں کے ساتھ مل کر قوانین میں ترامیم کر رہے ہیں، خوراک میں جعلسازی کرنے والوں کے گرد شکنجہ سخت، منطقی انجام تک پہنچائیں گے۔
