مداحوں نے وسیم اکرم سے ان کی قیمتی چیز ہی مانگ لی
لاہور (ویب ڈیسک) قومی کرکٹ ٹیم کے سابق کپتان وسیم اکرم کی سبز رنگ کی سٹائلش شرٹ مداحوں کو پسند آگئی۔
وسیم اکرم کا شمار دنیا کے سٹائلش کھلاڑیوں میں ہوتا ہے اور مداح اکثر ہی ان کے اسٹائل اور ملبوسات کی تعریف کرتے نظر آتے ہیں۔
حال ہی میں اُنہوں نے سوشل میڈیا ویب سائٹ ایکس پر اپنی ایک نئی تصویر شیئر کی جس میں اُنہیں سبز رنگ کی ایک سٹائلش شرٹ پہنے ہوئے دیکھا جاسکتا ہے۔
وسیم اکرم کی اس پوسٹ کو سوشل میڈیا صارفین کی جانب سے بہت پسند کیا جا رہا ہے۔
کچھ مداحوں کو ان کی یہ سٹائلش شرٹ اس قدر پسند آگئی ہے کہ انہوں نے اس شرٹ کو خریدنے کی خواہش کا اظہار کرتے ہوئے تفصیلات پوچھ لیں۔
ایک مداح نے لکھا کہ آپ یہ شرٹ مجھے بذریعہ کوریئر کشمیر بھجوا دیں میں آپ کو اس کی قیمت آن لائن ادا کر دوں گا۔
وسیم اکرم کی یہ شرٹ پاکستان کے مشہور برانڈ ’راستہ‘ کی ہے جو کہ جسٹن بیبر سمیت کئی مشہور بین الاقوامی شخصیات کا بھی پسندیدہ برانڈ ہے۔
