اپر دیر میں پولیس اور سی ٹی ڈی کا آپریشن، فتنہ الخوارج کے 9 دہشت گرد جہنم واصل ، 2شہری شہید
اپر دیر ( ڈیلی پاکستان آن لائن ) اپر دیر میں پولیس اور سی ٹی ڈی کے آپریشن میں فتنہ الخوارج کے 9 دہشت گردوں کو جہنم واصل کر دیا گیا ۔
ایس ایس پی اپر دیر کے مطابق 3 روزہ آپریشن میں پولیس، ایلیٹ فورس اور ریپڈ ریسپانس فورس نے حصہ لیا۔ آپریشن ہل ٹاپ، دو بانڈو درا، مسالا بانڈا، شاندل باغ، اتن درا، باغ کلے، سنگر اور شندل باغ میں کیا گیا۔
’’جنگ ‘‘ کے مطابق ایس ایس پی اپر دیر نے بتایا کہ 20 مربع کلومیٹر پر محیط علاقے میں آپریشن 3 روز تک جاری رہا۔آپریشن کے دوران 2 شہری شہید جبکہ پولیس اور سی ٹی ڈی کے 10 اہلکار زخمی ہوئے۔
