عدالتی احاطے میں فائرنگ، 3 افراد مارے گئے، حملہ آوروں نے فرار ہونے کی بجائے کیا کیا؟

 دادو(ڈیلی پاکستان آن لائن) عدالتی احاطے میں حملہ آوروں نے نے فائرنگ کر کے 3 مخالفین کو قتل کر دیا، حملہ آوروں نے فرار ہونے کی بجائے پولیس کو گرفتاری دیدی۔

نجی ٹی وی سماء نیوز کے مطابق دادو کے قریب دیرینہ دشمنی نے 3 افراد کی جان لے لی، مقتولین پولیس کی کسٹڈی میں عدالت لائے گئے تو عدالتی احاطے میں پہلے سے موجود مسلح ملزمان نے اندھا دھند فائرنگ کر دی جس کی زد میں آ کر 2 سگے بھائیوں عرفان اور محبوب سمیت 3 افراد موقع پر دم توڑ گئے۔

مسلح حملہ آوروں نے واردات کے بعد خود کو پولیس کے حوالے کر دیا، پولیس نے ملزمان سے آلہ قتل برآمد کر لئے۔