گلوکار سلیم رضا کو مداحوں سے بچھڑے10برس بیت گئے

لاہور(فلم رپورٹر) ماضی کے معروف گلوکار سلیم رضا کو مداحوں سے بچھڑے10برس بیت گئے،گلوکار نے جو بھی گایا وہ امر ہو گیا، ان کے گائے گیت آج بھی زبان زد عام ہیں۔پرسوز اور سحر انگیز آواز کے مالک گلوکار سلیم رضا 4 مارچ 1932 کو مشرقی پنجاب کے شہر امرتسر میں پیدا ہوئے،قیام پاکستان کے فوری بعد وہ اہل خانہ کے ساتھ لاہور آ گئے، شروع ہی سے ان کی آواز میں سوز و گداز تھا۔ریڈیو پاکستان لاہور سے اپنی آواز کا جادو جگانا شروع کیا اور یہی آواز انہیں فلمی دنیا تک لے آئی،1955 میں فلم نوکر سے فلمی صنعت میں قدم رکھا اور اسی سال ریلیز ہونے والی فلم قاتل میں ان کے گائے گیتوں کو بہت پذیرائی ملی۔گلوکار سلیم رضا کو اصل شہرت1957 میں فلم 7 لاکھ کے گیتوں سے ملی جس کے بعد انہوں نے متعدد فلموں میں آواز کا جادو جگایا، گلوکار کو نگار ایوارڈ سے بھی نوازا گیا۔

بعد ازاں وہ کینیڈا چلے گئے جہاں انہوں نے 1975 میں موسیقی کا ایک سکول قائم کیا، 25نومبر 1983 کو سلیم رضا کینیڈا میں ہی انتقال کر گئے۔