عمران اسماعیل نے گورنر سندھ کے عہدے کا حلف اٹھالیا
کراچی(ڈیلی پاکستان آن لائن) عمران اسماعیل نے سندھ کے 33 ویں گورنر کی حیثیت سے عہدے کا حلف اٹھا لیا،چیف جسٹس سندھ ہائی کورٹ نے حلف لیا۔
میڈیا رپورٹس کے مطابق پاکستان تحریک انصاف کے رہنما عمران اسماعیل نے بطور گورنر سندھ عہدے کا حلف اٹھا لیا،چیف جسٹس سندھ ہائی کورٹ جسٹس احمد علی شیخ نے گورنر سندھ سے عہدے کا حلف لیا،تقریب حلف برداری میں وزیراعلیٰ سندھ مراد علی شاہ، صوبائی وزراء، غیر ملکی سفارتکار اور دیگر شخصیات شریک ہوئیں،حلف اٹھانے کے بعد عمران اسماعیل سندھ کے 33 ویں گورنر بن گئے ہیں۔حلف برداری کی تقریب گورنر ہاو¿س کراچی میں منعقد ہوئی۔
اس موقع پر گورنر سندھ عمران اسماعیل کا کہنا تھا کہ گورنر کے عہدے کا حلف اٹھانے کے بعد وہ گورنر ہاو¿س میں رہائش اختیار نہیں کریں گے بلکہ اپنے ذاتی گھر میں ہی رہیں گے اور گورنر ہاو¿س کے صرف دفتر کو استعمال کریں گے۔
اس سے قبل بطور گورنر سندھ حلف اٹھانے سے قبل عمران اسماعیل نے سندھ اسمبلی کی رکنیت سے استعفیٰ دیا،عمران اسماعیل نے اپنا استعفیٰ اسپیکر سندھ اسمبلی کے نام بھیجا جو رکن سندھ اسمبلی خرم شیرزمان نے سیکریٹری اسمبلی کے دفتر میں جمع کرایا۔
