شاہین کی انرجی اس کو مختلف لیول پر لے جاتی ہے،بابر اعظم
میلبورن(سپورٹس رپورٹر)بابر اعظم سمیت ٹیم کے کھلاڑیوں نے فاسٹ بولر شاہین شاہ آفریدی سے کچھ خاص دیکھنے کی امید ظاہر کردی۔ بابر اعظم نے کہا کہ شاہین آفریدی ابتدا میں جس طرح ان سوئنگ کرتے ہیں بیٹرز کے لیے مشکل ہوتا ہے، ابتدا میں 2، 3وکٹ مل جائیں تو حریف دباؤ میں آجاتاہے، ایسی صورتحال ہمارے لیے مفید ہوتی ہے۔ کپتان کا کہنا تھا کہ شاہین کی اسٹرینتھ ہی اس کا اعتماد ہے، شاہین کی انرجی اس کو مختلف لیول پر لے جاتی ہے جو ٹیم میں بھی جان ڈالتی ہے۔
شاہین آفریدی جس انداز میں مچیور ہوئے وہ مثالی ہے، شاہین ہر بارپر اعتماد انداز میں ہوتا ہے، شاہین کو اپنی صلاحیتوں پر یقین ہے، بطور کوچ میرے لیے یہ مثبت پہلو ہے کہ وہ ہر بار پہلے سے بہتر کرنا چاہتا ہے
۔فاسٹ بولر حارث رؤف نے کہا کہ شاہین کی انجری اس کو مختلف بناتی ہے، جس طرح جان مارتا ہے وہ ٹیم کیلئے اہم ہے۔ دوسری جانب شاہین شاہ آفریدی کا کہنا تھا کہ مجھ سے توقع ہوتی ہے کہ شروع میں وکٹیں لوں، مجھے پرفارم کرنا چاہیے،جیسے بیٹنگ میں اوپنرز کا کردار ہوتا ہے کہ ٹیم کو اچھا اسٹارٹ دے، ویسے میرا کام ہے نئے بال سے اچھا آغاز دوں۔شاہین کا مزید کہنا تھا کہ کبھی میں بھی ٹی وی پر میچ دیکھنے والا فین تھا، سوچا نہ تھا اتنا جلدی پاکستان کی نمائندگی کروں گا، چھوٹی سے جگہ سے آکر اتنا سب کچھ کرلینا آسان نہیں تھا، زندگی میں سیکھنے کا سلسلہ ہمیشہ جاری رہتا ہے،بڑے بڑے پلیئرز کہتے کہ وہ آج بھی سیکھ رہے ہیں، یہ سلسلہ نہیں ختم ہوتا۔
