فیصل صالح حیات مسلم لیگ( ن) میں شامل ہو گئے
جھنگ(ڈیلی پاکستان آن لائن)عام انتخابات سے قبل سیاسی جوڑ توڑ کا سلسلہ جاری ہے،سابق وزیر داخلہ فیصل صالح حیات باقاعدہ مسلم لیگ (ن) میں شامل ہو گئے۔
نجی ٹی وی چینل "دنیا نیوز" کے مطابق اس موقع پر صدر مسلم لیگ( ن) شہبازشریف نے گفتگو کرتے ہوئے کہاکہ مخدوم صاحب اور ان کے گروپ کو دل کی گہرائیوں سے خوش آمدید کہتے ہیں،فیصل صالح حیات کی مسلم لیگ( ن) میں شمولیت پر شکرگزار ہیں،مخدوم صاحب کا گھرانہ ایک سیاسی گھرانہ ہے، لمبی تاریخ ہے۔
صدر مسلم لیگ(ن) نے کہاکہ فیصل صالح حیات کی شمولیت سے نوازشریف کی قیادت کو سپورٹ ملے گی،اللہ نے موقع دیا تو نوازشریف چوتھی بار وزیراعظم بنیں گے، نوازشریف اب صرف سیاستدان نہیں، ایک سٹیٹس مین ہیں،انکا وسیع تجربہ ہے،نوازشریف کی قیادت میں ہم شبانہ روز محنت کریں گے اور ملک کو عظیم بنائیں گے۔
 میں شامل ہو گئے){kind=link}