پی پی پنجاب کابینہ میں کب شامل ہوگی؟مجوزہ نام سامنے آگئے

لاہور(ڈیلی پاکستان آن لائن ) پاکستان پیپلز پارٹی دوسرے مرحلے میں پنجاب کابینہ میں شامل ہوگی۔
نجی ٹی وی جیو نیوز نے ذرائع کے حوالے سے بتایا کہ پیپلز پارٹی کو بجٹ کے بعد پنجاب کابینہ میں 3 وزارتیں دیے جانے کا امکان ہے۔ذرائع کا کہنا ہے کہ پنجاب کابینہ میں پیپلزپارٹی کی شمولیت کیلئے (ن) لیگ اور پی پی کمیٹیاں کام کررہی ہیں، پی پی کے سید علی حیدرگیلانی، نیلم جبار اور رئیس نبیل کی پنجاب کابینہ میں شمولیت کا امکان ہے۔
واضح رہے کہ جنوبی پنجاب سے منتخب پیپلزپارٹی کے اراکین نے پارٹی قیادت سے پنجاب کابینہ میں شمولیت کامطالبہ کیاتھا۔