قومی کرکٹ ٹیم کا کاکول کیمپ،پہلے روز میڈیکل ٹیسٹ کئے گئے

لاہور (ڈیلی پاکستان آن لائن) قومی کرکٹ ٹیم کے کھلاڑیوں کا تربیتی کیمپ شروع ہوگیا، پہلے روز میڈیکل ٹیسٹ کیے گئے۔
پی سی بی نے گزشتہ روز ٹی 20فزیکل فٹنس کیمپ کے لیے 29 کھلاڑیوں کے ناموں کا اعلان کیا تھا،کیمپ 8 اپریل تک جاری رہے گا، فزیکل ٹریننگ کا باقاعدہ آغاز کل سے ہوگا۔
پاکستان کرکٹ بورڈ یہ کیمپ پاکستان آرمی کے تعاون سے منعقد کررہا ہے،کیمپ میں کھلاڑیوں کو آنے والی سیریز اور ٹورنامنٹ کے لیے تیار کیا جائے گا۔
کیمپ میں تجربہ کار ٹرینرز اور کوچز کی رہنمائی میں کھلاڑی ایک جامع پروگرام کے تحت ٹریننگ حاصل کریں گے، کیمپ میں فٹنس لیول، چستی، لیڈرشپ اور اسٹریٹجک سوچ کو بہتر کرنے پر کام کیا جائے گا۔