عالیہ حمزہ ملک پی ٹی آئی پنجاب کی چیف آرگنائزر مقرر
لاہور(ڈیلی پاکستان آن لائن) سابق رکن قومی اسمبلی عالیہ حمزہ ملک کو پی ٹی آئی پنجاب کا چیف آرگنائزر مقرر کر دیا گیا۔
نجی ٹی وی چینل دنیا نیوز ذرائع کے مطابق بانی تحریک انصاف عمران خان کی ہدایت پر چیئرمین بیرسٹر گوہر نے عالیہ حمزہ ملک کی تقرری کا نوٹیفکیشن جاری کر دیا ہے۔
واضح رہے کہ حال ہی میں وزیراعلیٰ خیبرپختونخوا علی امین گنڈاپور سے صدر پی ٹی آئی خیبرپختونخوا کا عہدہ لے کر ان کی جگہ جنید اکبر کو صدر مقرر کیا گیا تھا۔مبصرین کا کہنا ہے کہ پی ٹی آئی کی تشکیل نو کا یہ عمل جاری رہے گا اور اہم عہدوں پر مزید تبدیلیاں دیکھنے کو ملیں گی۔
