رمضان میں شوگر کے مریض میٹھا کیسے کھائیں؟

لاہور (ڈیلی پاکستان آن لائن )شوگر میں مبتلا افراد من پسند میٹھے پکوانوں سے محروم ہو جاتے ہیں، میٹھے کھانوں سے ان کا گلوکوز لیول مقررہ حد سے بڑھ سکتا ہے جو کہ انتہائی خطرناک ثابت ہو سکتا ہے۔
نجی ٹی وی جیونیوز کے مطابق افطاری میں شوگر کے مرض میں مبتلا افراد کے لئے بھی شوگر فری میٹھے پکوان بنائے جاسکتے ہیں، جس سے وہ بھی لطف اندوز ہوسکتے ہیں۔
ڈائبیٹک کوکیز کی تراکیب پیشِ خدمت ہیں۔
اجزاء:مکھن ، 100 گرام، براﺅن شوگر 110 گرام، انڈا ایک عدد، دودھ 2 کھانے کے چمچ، نمک ایک چوتھائی چائے کا چمچ، میٹھا سوڈا آدھا چائے کا چمچ، چنے 150 گرام (بھنے ہوئے)، میدہ 150 گرام، مونگ پھلی 150 گرام
ترکیب:اوون کو 170 ڈگری پر گرم کرلیں، اب ایک پیالے میں مکھن اور براﺅن شوگر کو اچھی طرح مکس کریں، پھر اس میں انڈا، دودھ، نمک، میٹھا سوڈا، چنے، میدہ اور مونگ پھلی مکس کردیں۔
اس کے بعد اپنی پسند کی شکل میں کوکیز بناکر بیک کریں، 10 سے 12 منٹ میں کوکیز تیار ہو جائیں گی، پھر انہیں ٹھنڈا کرکے ایئر ٹائٹ جار میں ڈال دیں، حسب ضرورت استعمال کریں۔