علی امین گنڈا پور کی مولانا فضل الرحمان کیخلاف ہرزہ سرائی،جے یو آئی نےپی ٹی آئی کو " مشورہ" دیدیا
پشاور( ڈیلی پاکستان آن لائن )علی امین گنڈا پور کی مولانا فضل الرحمان کیخلاف ہرزہ سرائی،جے یو آئی نےپی ٹی آئی کو " مشورہ" دیدیا۔
تفصیلات کے مطابق اپوزیشن جماعت جمعیت علماء اسلام (جے یو آئی) نے اتحادی جماعت تحریک انصاف کی قیادت کو اندرونی سازشوں پر نظر رکھنے کا مشورہ دیا ہے۔ترجمان جے یو آئی اسلم غوری نے ایک بیان میں کہا کہ وزیراعلیٰ علی امین گنڈا پور مولانا فضل الرحمان کے خلاف ہرزہ سرائی کررہےہیں۔علی امین تحریک انصاف اور جے یو آئی کے درمیان فاصلے بڑھانے کی سازش کررہے ہیں، گرینڈ اپوزیشن میں رکاوٹ سے حکومت اور غیرجمہوری قوتوں کو فائدہ ہوگا۔
"جنگ " کے مطابق اسلم غوری نے یہ بھی کہا کہ پی ٹی آئی کو بیرونی نہیں اندرونی سازشوں سے خطرہ ہے، جب اپوزیشن اتحاد بننے کے قریب ہوتا ہے سازشی عناصر اپنا کام شروع کردیتے ہیں۔علی امین اپنی حکومت کو دوام دینے کےلیے اپوزیشن اتحاد سے خوفزدہ ہے، پی ٹی آئی قیادت پارٹی کے اندر سازشیوں پر نظر رکھے، اپوزیشن گرینڈ الائنس کو ہماری کمزوری نہ سمجھا جائے۔
