ایمل ولی خان نے اتوار کو عیدالفطر منانے کا اعلان کردیا
پشاور ( ڈیلی پاکستان آن لائن )عوامی نیشنل پارٹی (اےاین پی) کے سربراہ ایمل ولی خان نے عیدالفطر اتوار 30 مارچ کو منانے کا اعلان کردیا۔
پشاور سے جاری بیان میں ایمل ولی خان نے تمام دنیا کے مسلمانوں کو عیدالفطر کی دلی مبارک باد دی اور کہا کہ رمضان المبارک کی طرح عید بھی مسلم دنیا کے ساتھ منائیں گے۔ خیبر پختونخوا اور بلوچستان کے مظلوم مسلمان کو خصوصی طور پر عید مبارک کہتے ہیں۔
"جنگ " کے مطابق اے این پی سربراہ نے مزید کہا کہ حالات کے پیش نظر اس عید پر ولی باغ میں ملاقات ممکن نہیں ہوگی، عیدالفطر پر غرباء، ضرورت مندوں اور بے سہارا افراد کا خصوصی خیال رکھیں۔
