زمبابوے سے بدترین شکست پر نائب کپتان پاکستان ٹیم شاداب خان کے غمزدہ ہونے کی ویڈیو وائرل
پرتھ (ڈیلی پاکستان آن لائن)ٹی ٹوئنٹی ورلڈکپ میں زمبابوے کے خلاف پاکستان کی بدترین پرفارمنس اور شکست پر جہاں شائقین کرکٹ ناراض اور غمزدہ ہیں وہیں دوسری طرف قومی کھلاڑیوں کے جذبات بھی کسی سے پوشیدہ نہ رہ سکے۔
تفصیلات کے مطابق سوشل میڈیا پر شاداب کی ڈریسنگ روم کے راستے میں جذباتی ہونے کی ویڈیو وائرل ہورہی ہے جس میں شاداب کو زمین پر بیٹھا دیکھا جاسکتا ہے، ویڈیو میں دیکھا جاسکتا ہے کہ نائب کپتان کے جذباتی ہونے پر ٹیم مینجمنٹ سے ایک شخص شاداب کو تسلی دے رہا ہے اور انہیں اپنے ساتھ لے کر جارہا ہے ۔
They need our support ????????pic.twitter.com/TKNXF5JNrz
— Muhammad Faizan (@KhanFaizan645) October 28, 2022
واضح رہے کہ پرتھ میں پاکستان کی ایک رن سے شکست کے بعد پریس کانفرنس کے دوران بابر اعظم نے کہا تھا کہ بطور کپتان یہ ان کیلئے کافی مایوس کن دن ہے کیوں کہ کسی نے یہ نہیں سوچا تھا کہ پاکستان یہ میچ ہار جائے گا
