ایف بی آر کی خیبرپختونخوا کی طرف سے 2 فیصد ٹیکس لگانےکی مخالفت

اسلام آباد(ڈیلی پاکستان آن لائن)فیڈرل بورڈ  آف  ریونیو  نے خیبرپختونخوا کی طرف سے 2 فیصد ٹیکس لگانے کی مخالفت کردی۔

ایف بی آر نے اعتراض کیا ہےکہ  خیبرپختونخوا کی طرف سے ٹیکس لگانے سے برآمدات متاثر ہوسکتی ہیں۔

ایف بی آر کے مطابق خیرپختونخوا کے مختلف بارڈر  پوائنٹس  سے  افغانستان کو برآمدات ہوتی ہیں۔ برآمدات پر ڈیوٹیز  یا ٹیکس لگانے سے  ایکسپورٹس پر منفی اثر  پڑسکتا ہے۔ اس سے  پاکستان کے لیے فارن ایکسچینج کی ترسیل بھی متاثر ہونےکا خدشہ ہے۔

ایف بی آر کا کہنا ہےکہ درآمدات یا برآمدات پر ٹیکس لگانے کا اختیار صرف پارلیمنٹ کو حاصل ہے۔ ایف بی آر  نے اس متعلق وزارت قانون سے بھی رائے لینے کی سفارش کردی ہے۔

خیال رہےکہ  خیبرپختونخوا  میں 23 اگست 2024  سے انفرااسٹرکچر ڈیویلپمنٹ ٹیکس عائدکیا گیا تھا۔ یہ ٹیکس ائیر، روڈ  اور  ریل کے ذریعے کنسائنمنٹس کی برآمدات پر لگایا گیا تھا۔