پنجاب حکومت نے بروقت بندباندھ کر تحصیل فیروزوالہ اور شیخوپورہ میں سینکڑوں جانیں بچا لیں
لاہور ( ڈیلی پاکستان آن لائن )وزیراعلیٰ پنجاب مریم نواز کی ہدایت پر انتظامیہ نے بروقت بندباندھ کر تحصیل فیروزوالہ اور شیخوپورہ میں سینکڑوں جانیں بچالیں۔ درجن بھر گاؤں اور سینکڑوں مویشی، زرعی زمینیں اور لوگوں کا روزگار بچا لیا گیا۔
وزیر اعلیٰ مریم نواز کی بھارت سیلابی ریلوں سے لوگوں کو بچانے کیلئے فوری اقدامات کی بدولت پنجاب حکومت نے بند باندھ کر آبادیوں کو محفوظ بنا یا۔ اعوان پار، سنت پورہ اور دیگر ملحقہ آبادیاں حکومت کی جانب سے بنائے گئے بند کی وجہ سے سیلابی ریلے محفوظ رہیں۔
اہل علاقہ نے سیلابی ریلے سے بچاﺅکے لئے فوری اقدامات کرنے پر صوبائی حکومت بالخصوص وزیر اعلیٰ پنجاب مریم نواز کا شکریہ ادا کیا۔
