پولیس کی حماد اظہر کے گھر آمد، ملازمین سے پوچھ گچھ
سورس: X
لاہور (ڈیلی پاکستان آن لائن)پاکستان تحریک انصاف کے رہنما حماد اظہر کے گھر پولیس کی آمدورفت شروع ہوگئی ہے۔
انہوں نے ایکس پیغام میں کہا ’’ میری رہائش گاہ پر پولیس کی بار بار آمد۔3 پولیس کے ڈالے بھی ابھی گھنٹہ پہلے آئے اور ملازمین سے پوچھ گچھ کرتے رہے۔‘‘
واضح رہے کہ تحریک انصاف کے دیگر رہنماؤں کی طرح حماد اظہر بھی روپوش تھے، والد کے انتقال کی وجہ سے وہ منظر عام پر آئے۔ ان کے والد این اے 129 سے ایم این اے تھے۔ تحریک انصاف نے حماد اظہر کو یہاں سے ضمنی الیکشن میں اتارنے کا فیصلہ کیا ہے۔ پہلے یہ چہ میگوئیاں بھی کی جاتی رہیں کہ حماد اظہر کو (ن) لیگ کی طرف سے بھی ٹکٹ کی آفر ہے لیکن یہ افواہیں اس وقت دم توڑ گئیں جب حماد اظہر نے عمران خان اور اپنے والد کو ’’درویش شخصیات‘‘ قرار دیتے ہوئے کہا کہ انہوں نے ان دونوں سے بہت کچھ سیکھا ہے۔
