بلال بن ثاقب کی تعریف اس یقین پر مبنی ہے کہ کرپٹو کونسل درست حکمتِ عملی اپنا رہی ہے، عثمان شامی
لاہور (ڈیلی پاکستان آن لائن) تجزیہ کار عثمان شامی کا کہنا ہے کہ انہوں نے علی ڈار کے کرپٹو کرنسی میں 100 ملین ڈالر ڈوبنے کے حوالے سے اب بات اس لیے کی ہے کیونکہ اس بارے میں قیاس آرائیاں بہت بڑھ چکی تھیں۔
پاکستان تحریک انصاف کے رہنما ڈاکٹر شہباز گل کے اس موضوع پر کیے گئے وی لاگ کے بعد ایکس پر اپنے پیغام میں عثمان شامی نے کہا "میں شباز گل صاحب کے مؤقف کا احترام کرتا ہوں، البتہ وضاحت کرنا چاہوں گا کہ میری کرپٹو کرنسی سے وابستگی کئی سالوں پر محیط ہے، جس کی گواہی میرے قریبی ساتھی بھی دے سکتے ہیں۔ زیر بحث کہانی میرے سمیت کئی لوگوں کے علم میں کافی عرصے سے ہے۔
1. I respect @SHABAZGIL Sb’s perspective, though I’d like to clarify that my involvement in cryptocurrency spans many years, something my close associates can attest to. The story under discussion has been known to me and many others for a long time.
— Usman (@umshami) July 29, 2025
میں نے یہ بات اب اس لیے ظاہر کی کیونکہ قیاس آرائیاں حد سے بڑھ چکی تھیں۔کرپٹو سے متعلق میری رائے نہ تو حالیہ ہے اور نہ ہی کسی کے اثر و رسوخ کا نتیجہ ہے۔"
2. I revealed it now because the speculations were running wild.
— Usman (@umshami) July 29, 2025
My comments regarding crypto aren’t a recent development or influenced position.
انہوں نے مزید کہا "میری جانب سے بلال بن ثاقب کی تعریف خالص یقین پر مبنی ہے کہ پاکستان کی کرپٹو کونسل درست حکمتِ عملی اپنا رہی ہے، جو ہمارے ملک کے معاشی مستقبل کے لیے فائدہ مند ثابت ہوگی۔"عثمان شامی نے واضح کیا کہ انہیں ٹی وی پر کسی کا نام لینے کیلئے کسی کی اجازت کی ضرورت نہیں ہے ۔
3. My commendation of @Bilalbinsaqib stems from genuine conviction that Pakistan’s Crypto Council is pursuing the right strategy, one that will benefit our nation’s economic future.
— Usman (@umshami) July 29, 2025
Lastly, I don’t need anyone’s permission to mention someone’s name on tv.
واضح رہے کہ تحریک انصاف کے رہنما شہباز گل نے تجزیہ کار عثمان شامی کی خبر کا حوالہ دیتے ہوئے کہا ہے کہ اسحاق ڈار شدید مشکل میں ہیں اور ان کے معاملات بہت خراب نظر آرہے ہیں۔شہباز گل نے کہا کہ عثمان شامی نے اپنی خبر کے آخر میں بہت سی اہم باتیں کیں جس سے یہ پتہ چلتا ہے کہ کہیں اس سارےمعاملے کےپیچھے سیکٹرکمانڈر اسلام آباد تو نہیں کیونکہ ان کا کہنا ہے کہ علی ڈار نے جو کیا اس کو ملک میں موجودہ کرپٹو ٹیم کے ساتھ لنک کرنے کی ضرورت نہیں، اس وقت پاکستان کرپٹو میں نمایاں کامیابیاں حاصل کر رہاہے ، پاکستان کی موجودہ ٹیم بھارت سے بھی آگے نکل گئی ہے۔شہباز گل نے مزید کہاکہ اس خبر سے دو باتیں سمجھ میں آتی ہیں کہ اسحاق ڈار کے خلاف کچھ ہونے والا ہے ورنہ ایسے لوگوں کا ٹی وی پر نام لینے کی اجازت نہیں تھی اور دوسری بات یہ کہ اسحاق ڈار کی حد تک کرپٹوکرنسی بری ہے اور ابھی والی کرپٹو کرنسی اچھی ہے۔
