سخی سرور، ایرانی ڈیزل،80بوری چھالیہ، غیر ملکی سگریٹ برآمد
ڈیرہ غازیخان(سٹی رپورٹر)ڈی پی او احمد محی الدین کی ہدایت پر سمگلنگ کی روک تھام کے لئے ضلع بھر کے داخلی و خارجی راستوں پر چیکنگ کا سلسلہ جاری ہے اسی چیکنگ کے سلسلہ میں تھانہ سخی سرور پولیس اور انچارج چیک پوسٹ نے بلوچستان سے صوبہ پنجاب سمگل(بقیہ نمبر58صفحہ6پر )
ہونے والی سگریٹ اور چھالیوں کی سمگلنگ کو ناکام بنا دیا۔تھانہ سخی سرور پولیس نے 20 کین ایرانی ڈیزل اور 80 بوریاں چھالیاں،چیک پوسٹ سخی سرور نے ساڑھے چار کارٹن سگریٹ 4 بوریاں چھالیاں کو قبضہ میں لیکر کاروائی کے بعد کسٹم حکام کے حوالہ کر دیا گیا ہے۔اس حوالہ سے ایس ایچ او تھانہ سخی سرور آفتاب شبیر اور انچارج چیک پوسٹ سخی سرور نے کہا ہے کہ نان کسٹم سامان سمگلنگ کرنے والوں کے خلاف آہنی ہاتھوں سے نمٹا جائے گا۔ نان کسٹم سامان سمگلنگ کرنے والوں کے ساتھ کسی بھی قسم کی کوئی رعایت نہیں برتی جائے گی۔
