سابق امریکی صدر جمی کارٹر چل بسے

جارجیا (ویب ڈیسک) امریکہ کے  سابق صدر جمی کارٹر انتقال کرگئے، وہ ایک عرصہ سے علیل تھے، ان کی عمر 100 برس تھی۔

خبر ملکی خبر رساں ایجنسی کے مطابق سابق امریکی صدر جمی کارٹر  کا انتقال اتوار کی دوپہر جارجیا میں اپنے گھر پر ہوا۔بحیثیت صدرجمی کارٹر خراب معیشت اور ایران یرغمالی بحران سے نمبرد آزما رہے، انہوں نے اسرائیل اور مصر کے درمیان امن کے لیے ثالثی کی۔یہی وجہ تھی کہ جمی کارٹر کو 2002 میں امن کے لیے کوششوں پر نوبیل انعام سے بھی نوازا گیا تھا۔

جارجیا کے مونگ پھلی کے کاشتکار جمی کارٹرامریکہ کے39 ویں صدر تھے۔ ان کا تعلق ڈیموکریٹک پارٹی سے تھا۔انہوں نے 1977 سے 1981 تک امریکا کے صدر کے طور پر ذمہ داریاں نبھائیں۔

دوسری جانب امریکی صدر جوبائیڈن  نے سابق صدر جمی کارٹر کی سرکاری اعزاز کے ساتھ تدفین کا اعلان کیا ہے۔