اٹک؛برساتی نالے میں ڈوبنے والی 4خواتین کی لاشیں مل گئیں، بچے کی تلاش جاری

اٹک(ڈیلی پاکستان آن لائن)اٹک میں جھاری کس کے مقام پر برساتی نالے میں ڈوبنے والی 4خواتین کی لاشیں مل گئیں جبکہ  بچے کی تلاش جاری ہے۔

نجی ٹی وی چینل دنیا نیوز کے مطابق برساتی نالے میں گاڑی گرنے کا واقعہ آج صبح پیش آیا تھا،گاڑی میں ایک ہی خاندان کے 10افراد سوار تھے،جن میں سے 5افراد کو زندہ بچا لیا گیاتھاجبکہ لاپتہ افراد کی تلاش کیلئے سرچ آپریشن جاری تھا، لاپتہ افراد میں 4خواتین اور ایک بچہ شامل  ہے۔

ریسکیو حکام کاکہنا ہے کہ برساتی نالے میں ڈوبنے والی 4خواتین کی لاشیں مل گئی ہیں جبکہ بچے کی تلاش جاری ہے۔