برکی، ڈانس پارٹی پر چھاپہ،10 لڑکے، لڑکیاں گرفتار

لاہور (کر ائم رپو رٹر)برکی میں پولیس کا فارم ہاوس پر جاری ڈانس پارٹی پر چھاپہ،0 لڑکے اور لڑکیوں کو گرفتار جبکہ دوران چھاپہ پولیس اہلکار دیوار سے گر کر زخمی ہو گیا۔ برکی کے علاقے میں پولیس نے حمزہ فارم ہا ؤس پر چھاپہ مارا جہاں ڈانس پارٹی کا انعقاد کیا جا رہا تھا۔ پولیس کو اطلاع ملی تھی کہ فارم ہا ؤس میں غیر قانونی سرگرمیاں جاری ہیں، جس پر انہوں نے کارروائی کی۔ چھاپے کے دوران مزاحمت پر ایک پولیس اہلکار دیوار سے گر کر زخمی ہو گیا۔ زخمی اہلکار اعجاز کو فوری طور پر جنرل ہسپتال منتقل کر دیا گیا۔پولیس نے فارم ہا ؤس سے 10 لڑکے اور لڑکیوں کو گرفتار کر لیا۔

 اور ان کے خلاف مقدمہ درج کر کے فارم ہا ؤس سے سامان قبضے میں لے لیا۔