نماز عید کی ادائیگی کے بعد شہریوں نے فاتحہ خوانی کیلئے قبرستانوں کا رخ کر لیا
لاہور ( ڈیلی پاکستان آن لائن )نماز عید کی ادائیگی کے بعد شہریوں نے قبرستانوں کا رخ کر لیا اور اپنے پیاروں کی روح کے ایصال ثواب کیلیے فاتحہ خوانی کی۔
تفصیلات کے مطابق نماز عید کی ادائیگی کے بعد شہریوں کی بڑی تعداد نے اپنے پیاروں کی قبر پر حاضری کیلئے قبرستانوں کا رخ کیا، شہریوں نے اپنے پیاروں کی قبروں پر فاتحہ خوانی ان کی مغفرت کی دعا کی اور قبروں پر پھول چڑھائے ۔شہریوں کی جانب سے اپنے پیاروں کی قبروں کی صفائی اور ان پر گل پاشی بھی کی گئی۔
"دنیا نیوز " کے مطابق قبرستان آنے والے شہریوں کا کہنا ہے کہ عید کی خوشی ہے لیکن ساتھ ہی ساتھ اپنے پیاروں کے بچھڑنے کا دکھ بھی ہے، نماز کے بعد یہاں اپنے عزیز و اقارب کی دعائے مغفرت کیلئے آئے ہیں۔
