کراچی:موٹر سائیکل سوار 2ڈاکوؤں کی صبح سویرے لوٹ مار

کراچی (سٹاف رپورٹر) شہر قائد کے علاقے گلشن حدید میں موٹر سائیکل سوار 2 ڈاکوؤں نے صبح سویرے شہریوں کو لوٹ لیا۔تفصیلات کے مطابق  کراچی کے علاقے گلشن حدید میں موٹر سائیکل سوار 2 ملزمان نے صبح سویرے لوٹ مار کی ہے، شہری اور ملزمان میں فائرنگ کی سی سی ٹی وی فوٹیج بھی سامنے آگئی۔2 ملزمان نے رینٹ اے کار کے آفس میں شہریوں سے لوٹ مار کی اور ملزمان نے جاتے ہوئے نئی موٹرسائیکل کی چابی بھی مانگی، چابی نہ ملنے پر ملزمان اپنی موٹر سائیکل پر جانے لگے۔دکاندار نے ملزمان کے جاتے ہی فائرنگ کردی، ملزمان نے شہری پر جوابی فائرنگ کی اور گولی  کار کے شیشے پر لگی تاہم ملزمان موبائل فون، نقدی چھین کر فرار ہوگئے۔