معروف شاعر غلام حسین ساجد کا یومِ پیدائش (یکم دسمبر)

غلام حسین ساجد:
ان کی پیدائش یکم دسمبر1951ءمیں ہوئی۔ ان کا شمار اردو اور پنجابی زبان کے معروف شعراءمیں ہوتا ہے۔ روایت سے جڑے ہوئے شاعر ہیں۔ آج کل لاہور میں مقیم ہیں۔

نمونۂ کلام

چراغ باقی رہا نہ اب آئنہ رہے گا 

مگر شگفتِ جمال کا سلسلہ رہے گا 

ہزار چوکس رہیں کڑی تیرگی کے داعی 

مرے تصور میں ایک روزن کھلا رہے گا 

یقین آیا ہے آج الواحِ سنگ پڑھ کر 

کہ اس نگر میں بس ایک نامِ خدا رہے گا 

یہی رہے گا اگر مری بے کسی کا عالم 

دعائیں بچ پائیں گی نہ دستِ دعا رہے گا 

سیاہ پڑنے لگے گی شمعِ وصال کی ضو 

کھلا ہوا رات بھر جو رنگِ حنا رہے گا 

مری طرح نیند آ نہیں پائے گی اسے بھی 

میں جانتا ہوں وہ صبح تک جاگتا رہے گا 

کہاں مٹانے سے مٹ سکے گا وہ نقش دل سے 

غبار سا آئنے پہ اک عکس کا رہے گا 

خیال رہتا ہے نیند میں اب اُسی پری کا 

جو پھول اب شاخ پر کھلے گا کھلا رہے گا 

سفر ہو پاتال کا کہ سیرِ فلک ہو ساجدؔ 

جہاں رہوں گا زمین سے رابطہ رہے گا 

شاعر: غلام حسین ساجد

Charaagh   Baaqi   Raha   Na   Ab   Aaina   Rahay   Ga

Magar   Shaguft-e-Jamaal   Ka   Silsila   Rahay   Ga

 Hazaar   Chokas   Rahen   Karri   Teergi   K   Daai

Miray    Tasawwar   Men   Ik   Rozan   Khula   Rahay   Ga

 Yaqeen   Aaya   Hay   Aaj   Alwaah-e-Sang   Parrh   Kar

Keh   Iss   Nagar   Men   Bass   Aik   Naam-e-Khuda   Rahay   Ga

 Yahi   Rahay   Ga   Agar   Miri   Be   Kasi   Ka   Aalam

Duaaen   Bach   Paaen   Gi   Na   Dast-e-Dua   Rahay   Ga

 Siyaah   Parrnay   Lagay   Gi   Shama-e-Visaal   Ki   Zao

Khula   Hua   Raat   Bhar   Jo   Rang-e-Hina   Rahay   Ga

 Miri   Tarah   Neend   Aa   Nahen   Paaey    Gi   Usay   Bhi

Main   Jaanta   Hun   Wo    Subh   Tak   Jaagta   Rahay   Ga

 Kahan   Mitaanay   Say   Mitt   Sakay   Ga   Wo   Naqsh   Dil   Say

Ghubaar   Sa   Aainay   Pe   Ik   Aks   Ka   Rahay   Ga

 Khayaal   Rehta   Hay   Neend   Men   Ab    Usi   Pari   Ka

Jo   Phool   Ab   Shaakh   Par   Khilay   Ga   Khila   Rahay   Ga

 Safar   Ho   Pataal   Ka   Keh   Sair-e-Falak   Ho   SAJID

Jahan   Rahun   Ga   Zameen   Say   Raabta   Rahay   Ga

 Poet: Ghulam   Hussain   Sajid