معروف ناول نگار محمد عاصم بٹ کا نیا ناول 'پانی پہ لکھی کہانی'  شائع ہو گیا 

لاہور(ڈیلی پاکستان آن لائن  ) معروف ناول نگار محمد عاصم بٹ کا نیا ناول 'پانی پہ لکھی کہانی'  شائع ہو گیا ہے۔ اس سے قبل ان  کے3  ناول" دائرہ"،" نا تمام ", "بھید" اور افسانوں کے 2 مجموعے"اشتہار آدمی" اور" دستک" سمیت ترجمہ، تنقید تحقیق سمیت2 درجن سے زائد کتابیں شائع ہو چکی ہیں۔

محمد عاصم بٹ کے ناول یو بی ایل ایکسیلنس لٹریری ایوارڈ 2014اور عکس خوشبو پروین شاکر ادبی انعام 2015 سمیت مختلف اعزازات جیت چکے ہیں۔ ان کی ادبی خدمات پر جامعات میں ایم اے اور ایم فل کی سطح کے30 سے زائد تحقیقی و تجزیاتی مقالہ جات لکھے جا چکے ہیں۔ وہ اکادمی ادبیات پاکستان میں ڈائریکٹر اور چیف ایڈیٹر کے طور پر کام کررہے ہیں۔