فوج کی مضبوط گرفت کی وجہ سےافغانستان سےسمگلنگ صفرہوئی،وزیراعظم شہبازشریف

اسلام آباد(ڈیلی پاکستان آن لائن)وزیراعظم شہبازشریف کا کہنا ہے کہ مہنگائی کی شرح تقریباً70مہینےبعدکم ترین سطح پرآگئی ہے مہنگائی میں کمی سےغربت میں کمی ہوگی افغانستان سےسمگلنگ صفرہوگئی،فوج کی گرفت کی وجہ سےسمگلنگ صفرہوئی ہے۔اسلام آباد میں وزیراعظم میاں محمد شہبازشریف نےوفاقی کابینہ اجلاس سےخطاب کرتے ہوئے کہا کہ مہنگائی کی شرح تقریباً70 مہینے بعد کم ترین سطح پرآگئی ہے، 2018میں مہنگائی3.5فیصدتھی،اب مہنگائی4.9فیصدہوگئی ہے، مہنگائی میں کمی سے غربت  میں کمی ہوگی،مہنگائی کم ہونےسےشرح سودمیں کمی کاامکان ہے۔

وزیراعظم میاں محمد شہبازشریف کا کہنا تھا کہ دھرنوں نےملک میں ہیجانی کیفیت پیداکردی تھی،اسلام آبادمیں افراتفری کاسماں تھا،پولیس اور رینجرز والے شہید ہوئے،مظاہروں کی وجہ سےسٹاک مارکیٹ نیچے آگئی، احتجاج ختم ہونے کے بعد سٹاک مارکیٹ میں اضافہ ہوگیا۔وزیراعظم شہبازشریف کا کہنا تھا کہ مہنگائی میں کمی کےبعدہمیں گروتھ کی طرف بڑھناہے،مہنگائی میں کمی کے مثبت اثرات آئیں گے،اس سال چینی کی برآمدکرنےکافیصلہ کیا،چینی کی قیمت نہیں بڑھی،500ملین ڈالرآجائیں گے افغانستان سےسمگلنگ صفرہوگئی،فوج کی گرفت کی وجہ سےسمگلنگ صفرہوئی ہے۔میاں محمد شہبازشریف کا کہنا تھا کہ پی آئی اےپروازوں کی یورپ میں بحالی پرخواجہ آصف اورٹیم کو مبارکباد دیتا ہوں، یورپی ایوی ایشن سےپروازوں کی بحالی کاسرٹیفکیٹ مل گیا،پی آئی اےکی نیلامی میں پابندی بھی رکاوٹ تھی،ایک وزیرنےاسمبلی میں کھڑے ہو کر کہا تھا پائلٹس کےلائسنس جعلی ہیں پائلٹس کےجعلی لائسنس کےبیان سےبہت نقصان ہوا ہے۔