90 سال پرانا 1933 کا اردو میں لکھا گیا شادی کا دعوت نامہ سوشل میڈیا پر وائرل

کراچی  (ڈیلی پاکستان آن لائن) سوشل میڈیا پر 90 برس پرانے متحدہ ہندوستان کے زمانے کے اردو میں لکھے گئے شادی کے دعوت نامے کی تصویر تیزی سے سوشل میڈیا پر وائرل ہو رہی ہے۔

یہ شادی کارڈ سونیا بٹلہ نامی ایک ٹوئٹر صارف نے شیئر کیا ہے  جو ان کے نانا کی شادی کا ہے اور انہیں اپنی والدہ کی دراز سے ملا ہے۔ اردو میں تحریردعوت نامے میں مہمانوں کو شادی میں شرکت کے لیے دلی کی گلی قاسم جان میں مدعو کیا گیا ہے اور بارات کی روانگی کا وقت سوا 11 بجے دیا گیا ہے۔اسی کارڈ میں ولیمے کے مہمانوں کو بھی مدعو کیا گیا ہے اور تقریب کا وقت صبح 10 کا ہے۔

Obtained from my mothers cupboard.

— Sonya Battla (@SonyaBattla2) January 1, 2023

ایک صارف نے اس دعوت نامے پر تبصرہ کرتے ہوئے بتایا "جہاں سے برات روانہ ہوئی اور جس مقام پر گئی، یہ فاصلہ تقریبا آدھے گھنٹے کا ہے۔ دلی اور انتہائی معروف اور مصروف مقام ہے اور مسلمانوں کی اکثریت یہاں رہتی ہے."

جہاں سے برات روانہ ہوئی اور جس مقام پر گئی، یہ فاصلہ تقریبا آدھے گھنٹے کا ہے۔ دلی اور انتہائی معروف اور مصروف مقام ہے اور مسلمانوں کی اکثریت یہاں رہتی ہے.

— Afzaal Farooqui (@afzaalfarooqui) December 30, 2022

ایک اور صارف نے تبصرہ کرتے ہوئے بتایا کہ یہ دعوت نامہ جید پریس بلی ماراں دلی  سے چھپوایا گیا تھا جو ان کے دادا حکیم ذکی احمد خان نے 1919 میں شروع کیا تھا۔ بد قسمتی سے 2018 میں کاروبار کے 100 سال پورے ہونے سے چند مہینے پہلے اس کو بند کردیا گیا تھا۔

Good to see this...And BTW... This card was printed at Jayyed Press, Ballimaran, Delhi. It was started by my grandfather, Hakim Zaki Ahmad Khan in 1919. Unfortunately the press was shutdown in Nov. 2018, just a few months shy of completing 100 years in business.

— Saif ul Islam (@SaifulI18148616) January 1, 2023