پی ٹی آئی رہنما سابق وفاقی وزیر شیخ وقاص اکرم کیخلاف مقدمہ درج 

جھنگ(ڈیلی پاکستان آن لائن)تحریک انصاف کے رہنما اور سابق وفاقی وزیر شیخ وقاص اکرم کیخلاف مقدمہ درج کرلیاگیا.
نجی ٹی وی چینل جیو نیوزکے مطابق پی ٹی آئی رہنما کیخلاف تھانہ کوتوالی میں درج مقدمے میں دہشتگردی سمیت تین دفعات شامل ہیں، ایف آئی آر کے مطابق شیخ وقاص نے 9 مئی کو ویڈیو بیان میں عوام کو فوجی تنصیبات پر حملے کیلئے اکسایا،شیخ وقاص اکرم کیخلاف مقدمہ مقامی شہری کی مدعیت میں درج کیا گیاہے ۔