پشاور میں دُہرا قتل دوستی سے انکار کا نتیجہ نکلا

پشاور (ویب ڈیسک) متنی میں قتل کے ڈرامے کا ڈراپ سین ہوگیا، ملزم عمر کو گرفتار کرلیا گیا جس نے کاشف کو دوستی نہ کرنے پر قتل کرنے کا اعتراف کرلیا۔

تھانہ متنی پولیس نے ابتدائی تفتیش اور تحقیقات کی روشنی میں بتایا ہے کہ دُہرے قتل کے اس کیس میں مقتولین کے فون نے ملزم کا بھانڈا پھوڑ دیا۔آج نیوز کے مطابق تھانہ متنی پولیس کے سامنے اعترافِ جرم کرتے ہوئے ملزم عمر نے بتایا کہ اُس نے کاشف کا قتل ذاتی رنجش کی بنیاد پر کیا تاہم وہ ہارون کو نہیں مارنا چاہتا تھا۔

ایس پی صدر ڈویژن محمد زمان خان کے مطابق ملزم نے واردات سے متعلق تمام شواہد چھپانے کی غرض سے مقتولین کاشف اور ہارون کے موبائل فون کنویں میں پھینک دیئے تھے جو برآمد کرلیے گئے۔

یاد رہے کہ 24 جولائی کو پشاور کے نواحی علاقے متنی میں عمر نے فائرنگ کرکے دو موٹر سائیکل سوار دوستوں کو قتل کیا تھا۔ پوچھ گچھ کے دوران ملزم نے بتایا کہ وہ کاشف سے دوستی کرنا چاہتا تھا مگر اُس نے انکار کردیا تھا۔ وہ صرف کاشف کو مارنا چاہتا تھا مگر ہارون بھی فائرنگ کی زد میں آگیا۔