سندھ ہائیکورٹ کے نلکے چوری کرنیوالا پکڑا گیا
کراچی ( ڈیلی پاکستان آن لائن ) سندھ ہائیکورٹ سے نلکے چوری کرنے والا رنگے ہاتھوں پکڑا گیا۔
تفصیلات کے مطابق ملزم نے چوری شدہ نلکے اپنے کپڑوں کے اندر چھپا رکھے تھے۔ پولیس نے ملزم کے قبضے سے منشیات بھی برآمد کی ہے۔
"جنگ " کے مطابق کراچی میں سندھ ہائیکورٹ کی عمارت سے نلکے چوری کرنے والا ملزم کاشف رنگے ہاتھوں پکڑا گیا، ہائیکورٹ کے عملے نے ملزم کو اس وقت دھرلیا جب وہ نلکے چوری کرکے عمارت سے نکلنے کی کوشش کر رہا تھا۔ملزم نے نلکے جسم کے مختلف حصوں میں کپڑوں کے اندر چھپا رکھے تھے۔ ملزم کے قبضے سے 95 گرام چرس بھی برآمد ہوئی ہے، پریڈی تھانے میں ملزم کے خلاف مقدمہ درج کر لیا گیا ہے۔
